منتدى مملكات الندى للطبيعة
منتدى مملكات الندى للطبيعة

منتدى مملكات الندى للطبيعة
 
الرئيسيةالبوابةالتسجيلدخول
اهلا ومرحبا بكم فى منتدى مملكات الندى للطبيعة

شاطر | 
 

 طريقة عمل اللحمه البارده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مورامودى
المشرفات


عدد المساهمات : 44
نقاط : 130
تاريخ التسجيل : 20/02/2010

مُساهمةموضوع: طريقة عمل اللحمه البارده   الأحد أكتوبر 10, 2010 8:08 am

طريقة عمل اللحمة الباردة- طريقة عمل اللحمة الباردة بالصور
المقادير


عرق لحم ( نطلبه من عند الجزار حسب الوزن اللي عاوزينة )

خيط الجزار ( نطلبه من عند الجزار برضه )

8 فصوص ثوم ( ممكن نزودهم حسب الطلب)

3 معالق كبيرة سمنة

ملح / فلفل اسود / بهارات / حبهان

خضار مختلف ( جزرة مقطعة / بطاطس مقعة / بازلاء / اي خضار تحبي تضيفيه )

الطريقة

نخرم اللحمة في اماكن مختلفة بطرف السكينة و نحط في الأماكن دي فصوص الثوم (ممكن نتبل التوم بملح و فلفل الأول)

في نفس الأماكن اللي حطينا فيها الثوم ممكن نحط الحبهان , بس يفضل منكترش من الحبهان

نلف اللحمة بخيط الجزار ( فيه ناس بتلفها بدوبار , بس خيط الجزار أحسن لأنه حاجه طبيعية و هتدي طعم لذيذ)

بعد لما نلف اللحمة كوس بحيث ان الثوم ميطلعش ولا يقع منها نبدأ نسخن السمنه في قلاية غويطه و نحط فيها عرق اللحمة

نبدأ في الأول نشوح اللحمة , نقلبها على كل جنب لحد لما كلها تتشوح , بعد كدا نغطيها 10 دقايق لحد لما تبدأ تنزل الميه بتاعتها

نحط قطع البطاطس و الجزر و الخضار , بس منحطش كتير , عشان يستوي كويس , يعني مجرد قطع قليلة و بسيطة تضيف طعم بس

نضيف الملح و الفلفل بتاعنا و البهارات

نبص عليها كل شوية و نقلبها يمين و شمال , و كل ما تشرب الميه بتاعتها نضيف شوية ميه من عندنا ( الميه تبقا دافيه شوية مش من الحنفية )

نختبر اللحمة كل شوية بالشوكة , اول ما نلاقي سواها بقا كويس نشيلها من على النار ( بتاخد تقريبا 45 دقيقه على النار )

أول ما تستوي , نرفعها و نصفيها من الصوص بتاعها , و نستنا انها تبرد و نقطعها شرائح (ممكن بعد لما نطلعها من النار نحطها في الفرن فوق 5 دقايق على الشواية العلوية عشان وشها ينشف و يتحمر , بس دي حاجه اختيارية )

بنحطها في اطباق و نصب عليها من الصوص و نحط حواليها البطاطس و الجزر و الخضار اللي كان معاها
الرجوع الى أعلى الصفحة اذهب الى الأسفل
 
طريقة عمل اللحمه البارده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مملكات الندى للطبيعة :: المنتديات الاجتماعية والاسرية /Social Forums and family :: منتدى المطبخ-
انتقل الى: